Vyetnam Kommunist Partiyasının (VKP) daimi üzvü Luong Kuong Vietnamın dövlət başçısı seçildi.
Ölkənin Milli Məclisində dövlət başçısı seçimi keçirildi. SİA-nın əldə etdiyi məlumata görə, səsvermədə 440 səsin hamısını alan 67 yaşlı Luong Kuong ölkənin yeni dövlət başçısı oldu. VKP-nin daimi üzvü olan Luong daha sonra and içərək vəzifəsinə başladı.
Uzun illər orduda xidmət edən Luongun rütbəsi 2019-cu ildə general dərəcəsinə yüksəldilmişdi.
Xatırladaq ki, Vyetnamda 2023-cü ilin əvvəlindən bu yana üç dövlət başçısı dəyişib.