“Addictive Behaviors” elmi jurnalında dərc olunan britaniyalı alimlərin araşdırması, məşqlə asmalıq (...ruslarda,.. elə bizdə də buna “paxmel” deyirlər –A.B.) hissi arasında əlaqə olduğunu ortaya çıxarıb.
SİA-nın əldə etdiyi məlumata görə, bu barədə Sciencealert jurnalında yazı dərc olunub.
Alimlər idmanla məşğul olan və olmayan 1676 tələbə arasında araşdırma aparıblar. Müəyyən edilmişdir ki, insanlarda fiziki aktivlik artdıqca asmaların tezliyi və şiddəti azalır.
Qeyd edilir ki, müntəzəm idmanla məşğul olsanız, bu, orqanizmdə endorfin səviyyəsini artıra və ağrı hisslərinin azalmasına səbəb ola bilər.
Bundan əlavə, müntəzəm fiziki fəaliyyət maddələr mübadiləsini yaxşılaşdırmağa kömək edir, bu da öz növbəsində alkoqolun daha effektiv şəkildə zərərsizləşdirilməsinə və bədəndən çıxarılmasına kömək edə bilər.
Həmçinin, müntəzəm məşq spirt içdikdən sonra iltihablı proseslərlə əlaqəli narahatlığı azaltmağa kömək edə bilər.
Daha əvvəl fitness məşqçisi Anna Fedorova Yeni il şənliyindən sonra əks göstəriş olan məşqləri adlandırdı. O, həzminizə və ümumi rifahınıza mənfi təsir göstərə biləcək intensiv məşqlər etməməli olduğunuzu söyləyib.
Əli Babayev