"Netflix" 2024-cü ilin üçüncü rübü üçün balans hesabatını paylaşıb. Müvafiq olaraq, "Netflix" bu ilin üçüncü rübündə 5 milyondan çox abunəçi qazanaraq, illik 14,4 faiz artımla ümumi abunəçi sayını 282,72 milyona çatdırıb. SİA xarici KİV-ə istinadən xəbər verir ki, qlobal internet televiziya şəbəkəsi "Netflix" abunəçilərinin sayı 282 milyona yüksəlib.
"Netflix" bu ilin üçüncü rübü üçün balans hesabatını açıqlayıb. Müvafiq olaraq, şirkətin gəliri ilin üçüncü rübündə keçən ilin eyni dövrü ilə müqayisədə yüzdə 15 artaraq 9,8 milyard dollara çatıb. Ötən ilin eyni dövründə şirkətin gəliri 8,5 milyard dollar olaraq hesablanmışdı. Şirkətin xalis mənfəəti üçüncü rübdə keçən ilin eyni dövrü ilə müqayisədə təxminən yüzdə 41 artaraq 2,4 milyard dollara çatıb. "Netflix"in xalis mənfəəti keçən ilin üçüncü rübündə 1,7 milyard dollar olaraq qeyd edilib. Şirkətin bir səhm üzrə qazancı həmin dövrdə 3,73 dollardan 5,4 dollara yüksəlib.
"Netflix"in abunəçilərinin sayı ilin üçüncü rübündə 5,07 milyon artıb. Şirkətin dünya üzrə abunəçilərinin sayı hər il 14,4 faiz artaraq 282,72 milyon nəfərə çatıb. Bu ilin son rübü üçün proqnozlarını açıqlayan "Netflix", gəlirinin 10,3 milyard dollar, xalis mənfəətinin isə təqribən 1,8 milyard dollar olacağını gözlədiyini bildirib. "Netflix"in gəliri, xalis mənfəəti və abunəçilərinin sayı bu ilin üçüncü rübündə bazar gözləntilərini üstələyib.