"Sabah"ın kişi basketbolçulardan ibarət komandası bu gün FIBA Avropa Kubokunda növbəti matçını keçirəcək. SİA xəbər verir ki, G qrupunda yer alan Rimas Kurtinaytisin rəhbərlik etdiyi kollektiv II turda Yunanıstan təmsilçisi "Marussi" ilə üz-üzə gələcək.
Bakı İdman Sarayında keçiriləcək qarşılaşma saat 19:00-da başlayacaq.
Görüşü Rumıniya və Gürcüstandan olan hakimlər idarə edəcəklər.
Qeyd edək ki, Azərbaycan təmsilçisi ilk turda səfərdə Belçikanın "Spiru" komandasına 81:82 hesabı ilə məğlub olub.