...Paris avtosalonunda ən yeni elektrik krossoveri Skoda Elroq-un rəsmi premyerası baş tutub.
Bu avtomobil yeni Skoda dizaynını sınayan ilk avtomobil olub və Avropada məşhur olan Karoq krossoverinə alternativ olacaq.
SİA xarici qaynaqlara istinadən xəbər verir ki, bu barədə “av.by” məlumat yayıb.
Yeni krossover Volkswagen-dən MEB platformasında qurulacaq (ondan elektrik Enyaq istifadə edir). Elektromobilin uzunluğu 4,48 m, eni 1,88 m, hündürlüyü 1,62 m, Elroqun təkər bazası isə 2765 mm-dir.
Elektrik krossoverinin klirensi modifikasiyadan asılı olaraq 186 mm, aerodinamik müqavimət əmsalı 0,26-0,28 təşkil edir.
Elektrikli avtomobil akkumulyatorların geniş çeşidini təklif edir - 55-dən 82 kVt-a qədər, bu da ona maksimum 560 km-dən çox məsafə əldə etməyə imkan verir.
Elroq 85-in ən güclü versiyası 210 kVt gücə malikdir və həm arxa, həm də tam ötürücülü (85x versiyası) mövcuddur. Digər seçimlər üçün ən yüksək sürət 160 km/saatdır və diapazon 370-560 km arasında dəyişir (akkumulyatorun tutumundan asılı olaraq).
Elroq-un əsas xüsusiyyətlərindən biri onun yüksək doldurma sürətidir: ən güclü akkumulyatoru olan avtomobillərdə 10-dan 80 faizə qədər doldurulma cəmi 28 dəqiqəyə baş verir. “Kiçik” avtomobillər 24-25 dəqiqəyə doldurulur.
Avropada sifarişlər artıq açıqdır, seçim etmək üçün dörd modifikasiya mövcuddur.
Yeni məhsulun qiyməti 33,9 min avrodan başlayır - bu, benzin mühərrikli Skoda Karoq-dan cəmi bir neçə yüz avro bahadır.
Nazlı Almuradova