...Antalya hava limanında yeni doğulmuş körpəsini əlillər üçün tualetə qoyan Rusiya vətəndaşı saxlanılıb.
SİA-nın əldə etdiyi məlumata görə, bu barədə Türkiyənin “Hürriyet” nəşri xəbər verir.
Rusiyanın Antalyadakı Baş Konsulluğu insidentdən sonra iki rusiyalının saxlanıldığını, diplomatların yeni doğulan körpənin anası ilə əlaqə saxladığını təsdiqləyib.
Ana və uşaq xəstəxanadadır.
“Hürriyet”in məlumatına görə, hadisə oktyabrın 13-ü axşam saatlarında baş verib.
Rusiya vətəndaşı Moskvaya uçmazdan əvvəl dostu ilə əlillərin tualetinə girib. Körpəni tualetdə qoyub pasport nəzarətinə keçiblər.
Yeni doğulan körpəni 12 dəqiqə sonra təmizlikçi qadın aşkar edib. Nəşr qeyd edir ki, iki Rusiya vətəndaşı yola düşməzdən əvvəl saxlanılıb.
Əli Babayev