...Olaf Şolz əmindir ki, Almaniya İsrailə silah tədarükünü davam etdirəcək. “Biz silah tədarük etmişik və tədarük etməyə davam edəcəyik. Tezliklə yeni tədarüklər olacaq”.
SİA-nın əldə etdiyi məlumata görə, Almaniya kansleri bunu cümə axşamı, oktyabrın 10-da Bundestaqda debat zamanı bildirib.
Şolz müxalifətdəki mühafizəkar Xristian Demokrat İttifaqının sədri Fridrix Merzin ittihamına belə cavab verib.
O, bəyan edib ki, Almaniya hökuməti guya İsrailə silah-sursatın sonrakı ixracına və bu ölkəyə tankların ehtiyat hissələrinin tədarükünə icazə verməkdən imtina edib.
Qeyd edək ki, Fridrix Merz həm də CDU blokundan və Bavariya Xristian Sosial Birliyindən Almaniya kansleri vəzifəsinə namizəddir.
İndi CDU/CSU Almaniyada ən populyar siyasi qüvvədir. Sorğular göstərir ki, seçicilərin 33 faizi indi onu dəstəkləməyə hazırdır. Olaf Şolz-un Almaniya Sosial Demokrat Partiyasının (SPD) daxil olduğu hakim koalisiya 30 faiz dəstək alıb. ...Növbəti Bundestaq seçkiləri 2025-ci il sentyabrın 28-nə təyin edilib.
Əli Babayev