Rusiya istehsalı olan “Target” enerji içkisi Gosstandart tərəfindən tərtib edilən təhlükəli məhsulların reyestrinə daxil edilib.
SİA xarici qaynaqlara istinadən yazır ki, onun Belarusa idxalı və satışı qadağandır.
Moskva vilayətinin “Boçkari-Ramenskoye” şirkəti tərəfindən istehsal olunan “Target” enerji içkisinin Belarusa idxalı və satışı texniki qaydalara uyğun olmadığına görə qadağan edilib. Onun istehsalında “qida əlavəsi antioksidant butil hidroksianizol istifadə edilib ki, bu da qəbuledilməzdir.
Üstəlik, E320 adı altında bu antioksidan və konservant içkinin tərkibində qeyd edilmişdir.
Reyestrdə yeni yeməli “qadağan olunmuş” məhsullar arasında şəkərli Çin qurudulmuş kumkatı da var. Onun tərkibində həddindən artıq qoruyucu kükürd dioksidi, həmçinin istehsalçı tərəfindən göstərilməyən sorbin turşusu var.
Bu məhsullara qoyulan qadağalar oktyabrın 10-dan qüvvəyə minir.
Nazlı Almuradova