...Oktyabrın 2-də İran prezidenti Məsud Pezeşkian Qətərdə keçirilən İslam təşkilatlarının konfransına gedib və orada deyib ki, ölkə müharibəyə can atmır, çünki müharibədə “qaliblər” yoxdur. Bununla belə, siyasətçi xəbərdarlıq edib ki, “İsrail ən kiçik səhvə yol verərsə” İran daha güclü cavab verəcək.
SİA xarici qaynaqlara istinadən xəbər verir ki, bu barədə “The New York Times” məlumat yayıb.
Materialda deyilir ki, münaqişənin kəskinləşməsi fonunda İran İsrailin mümkün zərbəsinə hazırlaşmaq üçün peyk kəşfiyyatının təmin edilməsində yardım üçün Rusiyaya sorğu göndərib.
Bundan əlavə, Tehran və Vaşinqton İrandakı vasitəçi vasitəsilə mesaj mübadiləsi aparıblar, baxmayaraq ki, bu danışıqların məzmunu haqqında çox az məlumat var.
İran həmçinin bildirib ki, İsrailə hərbi cavab verən istənilən ölkə hücum üçün qanuni hədəf olacaq. Bu bəyanatlar fonunda bəzi iranlı analitiklər və sosioloqlar münaqişənin mümkün inkişafı ilə bağlı narahatlıqlarını ifadə edirlər.
Tanınmış sosioloq Hamidreza Jalaypour qeyd edib ki, müharibə başlasa, iranlıların əksəriyyəti daxili parçalanmalara baxmayaraq, çox güman ki, öz ölkələrinə dəstək üçün birləşəcəklər. Lakin onun fikrincə, vəziyyət ölkəyə həm hərbi, həm də iqtisadi baxımdan ağır zərbə vura bilər.
Əli Babayev