2024-cü il sentyabrın 30-da Bakıda Azərbaycan aşıq sənətinin görkəmli nümayəndəsi, böyük el sənətkarı Aşıq Ələsgərin abidəsinin açılışı baş tutdu. Tədbirdə çıxış edən Prezident cənab İlham Əliyev, Azərbaycan xalqının tarixi və mədəni irsinə xüsusi dəyər verərək, bu mədəniyyətin xalqın milli kimliyindəki yerini vurğuladı. Prezidentin çıxışı həm də Azərbaycanın ərazi bütövlüyü uğrunda apardığı haqq mübarizəsi ilə bağlı güclü mesajlar daşıyırdı. Cənab Prezident çıxışında bildirdi ki, Azərbaycan xalqının apardığı mübarizə haqq işidir və bu işin əsas dayağı xalqın iradəsi və dəstəyidir. Xüsusilə, Qarabağın və Şərqi Zəngəzurun azad olunması xalqın qəhrəman övladlarının fədakarlığı sayəsində mümkün olmuşdur. Bu tarixi zəfər, Azərbaycanın suverenliyini tam bərpa etməklə yanaşı, milli birlik və güclü iradənin göstəricisidir. Xalqın azadlıq, ədalət və ərazi bütövlüyü uğrunda apardığı mübarizə bir daha göstərdi ki, Azərbaycan öz haqqını qazanmaq üçün həm siyasi, həm də hərbi gücə malikdir. Aşıq Ələsgərin yaradıcılığı və onun abidəsinin ucaldılması da Prezident cənab İlham Əliyevin çıxışında xüsusi vurğulandı. Aşıq sənəti Azərbaycan xalqının mənəvi dünyasının, milli dəyərlərinin bir hissəsidir və Aşıq Ələsgər bu sənətin ən uca zirvəsində duran simalardan biridir. Cənab Prezidentin qeyd etdiyi kimi, Aşıq Ələsgərin irsi təkcə keçmişin bir parçası deyil, həm də bu gün və gələcək üçün böyük mənəvi sərvətdir. Onun əsərləri nəsillər arasında mənəvi bağların qorunub saxlanılmasına xidmət edir, xalqın milli ruhunu yaşadır. Prezident cənab İlham Əliyev, həmçinin, Azərbaycanın mədəni irsinin, milli kimliyinin qorunub saxlanmasının əhəmiyyətindən bəhs etdi. Qarabağ və Şərqi Zəngəzurun azad olunması kimi tarixi hadisələr, yalnız hərbi zəfər deyil, həm də Azərbaycan xalqının mədəni və mənəvi zənginliyinin bir göstəricisidir. Bu zənginlik əsrlər boyu yaşadılan aşıq sənəti və digər milli dəyərlər vasitəsilə gələcək nəsillərə ötürüləcəkdir. Prezidentin çıxışı, Azərbaycanın həm mədəni, həm də tarixi irsinin qorunub saxlanmasının, xalqın iradəsi və birliyi ilə daha da möhkəmləndirilməsinin əhəmiyyətini bir daha vurğuladı. Qarabağın və Şərqi Zəngəzurun işğaldan azad edilməsi, həm də xalqın bu mədəni irsə sahib çıxaraq, öz milli kimliyini qorumaq əzmini gücləndirdi. Nəticə etibarilə, Prezident cənab İlham Əliyevin çıxışı Azərbaycan xalqının həm tarixi, həm də mədəni irsinə sahib çıxmaqla gələcək uğurlara daha böyük inamla addımlamasını nümayiş etdirir. Bu, həm haqq işinin, həm də mədəni irsin qorunmasının önəmli olduğunu bir daha təsdiqləyir.
Tarixi Zəfərdən sonra ilk dəfə azad Qarabağda, azad Şuşada Dünya Azərbaycanlılarının Zəfər Qurultayının keçirilməsi çox qürurvericidir. Bundan sonra Azərbaycan xalqının müzəffər xalq kimi, dövlətimizin isə qalib dövlət kimi yaşamağa haqqı var. Qarabağ münaqişəsinin həll edilməsini özünün başlıca vəzifəsi hesab edən Prezident cəna İlham Əliyevin rəhbərliyi ilə ordu quruculuğu sürətlə aparıldı və Azərbaycan müasir orduya malik oldu. Gənc nəsil vətənpərvərlik, düşmənə nifrət, Vətənə sədaqət ruhunda tərbiyə olundu, həyatın bütün sahələrində köklü islahatlar aparıldı. Vətənpərvər gənclərimiz döyüş meydanında mənfur düşmənə sinə gərərək onları tarixi torpaqlarımızdan qovdu və Zəfərimizi təmin etdi. Yəni, münaqişəyə son qoyan qəhrəman Azərbaycan əsgəri oldu. Müharibənin son günlərində Şuşada sıldırım qayalara dırmaşaraq bizim qəhrəman əsgərlərimiz, zabitlərimiz demək olar ki, əlbəyaxa döyüşlərdə topla, tankla, artilleriya ilə silahlanmış Ermənistan ordusuna qalib gəldilər. Döyüşlər zamanı Ermənistan ordusunda kütləvi fərarilik hökm sürürdü. Özlərinin etirafına görə, Ermənistan ordusunda 10 min fərari olmuşdur. Azərbaycan Ordusunda bir dənə də fərari olmamışdır. Budur, xalqımızın böyüklüyü, xalqımızın qələbəyə inamı, xalq-iqtidar birliyi və bütün dünya azərbaycanlılarının birliyi.
Bu gün xalq-iqtidar birliyinin nəticəsidir ki, ölkəmiz dinamik inkişaf edir, işğaldan azad olunmuş torpaqlarımızda sürətli və geniş miqyaslı quruculuq işləri aparılır. Günümüzün reallığı deməyə əsas verir ki, biz bundan sonra ancaq və ancaq güclənəcəyik. Postmüharibə dövrü bu reallığı bir daha göstərdi. Həm ərazilərin bərpası, həm beynəlxalq müstəvidə addımlarımız bizim birliyimizi və gücümüzü dünyaya bəyan etdi. Bu gün xalqımız cəsur və qəhrəman xalq kimi tanınır. Azərbaycan xalqı öz ali rəhbərinə inanır, Prezident cənab İlham Əliyevin rəhbərliyi ilə həyata keçirilən uğurlu siyasətə alternativ görmür. Məğrur xalqımız həyata keçirilən, səmərəli, məqsədyönlü daxili və xarici siyasət kursunun uğurlu nəticələrini yüksək dəyərləndirir. Xalqın öz Liderinə inamı və Xalq-İqtidar birliyi isə Azərbaycanı yüksəlişə, yeni qələbələrə və parlaq gələcəyə aparır.
Müşfiq Səfərov
Yeni Azərbaycan Partiyası Beyləqan rayon təşkilatının sədri