Moldovada oktyabrın 20-də keçiriləcək prezident seçkiləri və konstitusiya referendumu (ölkənin Aİ-yə daxil olması ilə bağlı) ilə əlaqədar Azərbaycan ərazisində bir seçki məntəqəsinin açılması nəzərdə tutulur. SİA xəbər verir ki, Moldova Mərkəzi Seçki Komissiyası (MSK) bununla bağlı müvafiq qərar qəbul edib.
MSK-nın qərarına əsasən, prezident seçkiləri və referendumla əlaqədar 37 ölkədə 231 seçki məntəqəsi yaradılacaq. Seçki məntəqələrinin böyük hissəsi, yəni 60-ı İtaliyada açılacaq.