Qadın voleybolçulardan ibarət “Azərreyl” klubu heyətini daha bir oyunçu ilə gücləndirib.
SİA-nın AZƏRTAC-dan əldə etdiyi məlumata görə, “dəmiryolçular” Puerto-Rikodan olan voleybolçu Nayka Beniteslə anlaşıb. 35 yaşlı oyunçu ilə 1 illik müqavilə imzalanıb.
Voleybolçu son olaraq ölkəsinin “Atenienses de Manati” komandasında çıxış edib.
Qeyd edək ki, “Azərreyl” daha əvvəl serbiyalı voleybolçu İrina Milanoviçin keçidini rəsmiləşdirib.