Rusiya Xarici İşlər Nazirliyi Ukraynanın Kursk bölgəsində həyata keçirilən hücumlarda 5 sentyabr tarixinə qədər ən azı 31 mülki şəxsin həyatını itirdiyini, 256 mülki vətəndaşın isə yaralandığını açıqlayıb. SİA xarici KİV-ə istinadən xəbər verir ki, Ukraynanın Rusiyanın sərhəd bölgəsi Kurskda həyata keçirdiyi hücumların balansı açıqlanıb.
Rusiya Xarici İşlər Nazirliyinin bəyanatında deyilib: “Sentyabrın 5-nə olan məlumata görə, Ukraynanın Kursk bölgəsindəki hücumlarda ən azı 31 mülki şəxs həyatını itirib, 256 mülki şəxs isə yaralanıb.
Açıqlamada bölgədə 131 min mülki vətəndaşın evlərini tərk etməli olduğu qeyd edilib. Ukrayna avqustun 6-da İkinci Dünya Müharibəsindən sonra Rusiyaya qarşı ən böyük xarici hücumu həyata keçirib, sərhədi keçərək qərbi Kursk bölgəsinə ağır silahlar, o cümlədən pilotsuz təyyarələr və Qərb istehsalı silahlarla dəstək verib. Kiyev iddia edirdi ki, Kurskda təxminən 100 yaşayış məntəqəsi və 1300 kvadrat kilometrdən çox ərazini ələ keçirib.