Qərbdə münaqişənin həlli prosesində Ukraynanın itirdiyi ərazilərin bir hissəsinin Rusiyanın nəzarətində qalması ehtimalı ilə bağlı fikirlər yaranır.
SİA-nın rus saytlarından əldə etdiyi məlumata görə, politoloq Mark Qaleotti qeyd edib ki, Avropanın bəzi siyasi qüvvələri bu variantı nəzərdən keçirir.
…Tərəflər arasında razılaşmaların nəticəsi suveren, firavan və qərbyönümlü Ukraynanın yaranması və onun cənub-şərqdəki ərazilərini Moskvanın xeyrinə tərk etməsi ola bilər.
Bunu Qaleotti yazır.
O, qeyd edib ki, Avropada “Ukrayna yorğunluğu” var və bu, hətta arzuolunmaz sülh demək olsa belə, münaqişəni sona çatdırmaq üçün danışıqların başlanmasının xəbərçisi ola bilər.
Qaleottinin fikrincə, Ukrayna lideri Vladimir Zelenskinin belə şərtlərə razılığı onun siyasi karyerasına mənfi təsir göstərə bilər, çünki ukraynalı millətçilər ona təzyiq göstərə bilər. Politoloq həmçinin qeyd edib ki, hətta Ukraynanın Qərbdəki tərəfdarları da Kiyevin itirdiklərini geri qaytara biləcəyinə şübhə edirlər.
Münaqişənin sona çatmasına qələbənin necə olacağına dair aydın anlayışın olmaması mane olur və Ukraynanın NATO-ya daxil olmaq istəyi alyans üzvləri arasında az həvəs yaradıb. Bununla belə, Qaleotti təklif edib ki, NATO Ukrayna tərəfinin nüvə potensialını inkişaf etdirməsi ehtimalının qarşısını almaq üçün Kiyevi dəvət etməyə məcbur ola bilər.
Əli Babayev