Kürdəmirdə 7 nəfərin xəsarət alması ilə nəticələnın ağır yol qəzası baş verib. SİA xəbər verir ki, qəza günorta saatlarında Bakı-Qazax avtomobil yolunun Kürdəmirin Sığırlı kəndindən keçən hissəsində qeydə alınıb. İlkin məlumata görə, hərəkətdə olan mikroavtubusla minik avtomobilinin toqquşması nəticəsində maşınlarda olan 6 nəfər Göyçay, 1 nəfər Kürdəmir sakini olmaqla, 7 nəfər müxtəlif dərəcəli bədən xəsarəti alıb.
Yaralılar təcili tibbi yardım avtomobilləri ilə Kürdəmir Rayon Mərkəzi Xəstəxanasına çatdırılıblar.
Hadisənin baş vermə səbəbi və təfərrüatları araşdırmaların sonunda bəlli olacaq.