Daxili işlər naziri Əli Yerlikaya 2024-cü il yanvarın 1-dən bu günə qədər 825 terrorçunun zərərsizləşdirildiyini açıqlayıb. O, təhlükəsizlik qüvvələrinin 1 yanvar - 31 avqust tarixləri arasında həyata keçirdiyi əməliyyatlarla bağlı məlumat verərək bildirib ki, ümumilikdə 35,428 əməliyyat keçirilib. Bu əməliyyatlar nəticəsində 70 terror aktının qarşısı alınıb.
SİA-nın əldə etdiyi məlumata görə, Yerlikaya mütəşəkkil cinayət təşkilatlarından ələ keçirilən malların maliyyə dəyərinin 36 milyard lirə olduğunu vurğulayıb.