Şri-Lanka seçiciləri sabah keçiriləcək səsvermə ilə yeni prezidentini seçməyə hazırlaşır. SİA xarici KİV-ə istinadən xəbər verir ki, Şri-Lankada seçicilər keçmiş prezident Qotabaya Rajapaksanın istefasına səbəb olan ümummilli etirazlardan sonra ilk dəfə 2022-ci ildə seçkiyə gedəcəklər.
22 milyon əhalisi olan ölkədə sentyabrın 21-də keçiriləcək prezident seçkilərində qeydiyyatdan keçmiş 17 milyondan çox seçicinin səs verəcəyi gözlənilir. Ölkədə prezident seçkiləri ən mürəkkəb və gözlənilməz seçkilərdən biri hesab olunur.
Şri-Lanka konstitusiyasına görə, dövlət başçıları maksimum iki beş il müddətinə seçilə bilər. Namizəd olmaq üçün 30 yaşdan yuxarı, iki dəfə prezident olmamış və əvvəllər vəzifədən kənarlaşdırılmamış olmalıdır. Səslərin mütləq əksəriyyətini, yəni 50 faiz üstəgəl bir səs toplayan namizəd seçkinin qalibi elan edilir. Lakin heç bir namizəd 50 faiz üstəgəl bir səs toplamazsa, ən yüksək səs toplayan iki namizədlə ikinci tur keçirilir.