Milli Musiqi Günündə Şuşa rayonunda Prezidentin xüsusi nümayəndəliyi və Şuşa Şəhəri Dövlət Qoruğu İdarəsinin əməkdaşları Üzeyir Hacıbəylinin, Xan qızı Xurşidbanu Natəvanın və Bülbülün güllələnmiş heykəllərini ziyarət edib. SİA xəbər verir ki, bu barədə Prezidentin Şuşadakı xüsusi nümayəndəsi Aydın Kərimov paylaşım edib.
Qeyd olunub ki, heykəllərin önünə gül dəstələri qoyulub, onların əziz xatirələri dərin hörmətlə anılıb.