Azərbaycanın akrobatika gimnastları Portuqaliyanın Qimarayeş şəhərində keçiriləcək dünya yaş qrupları yarışlarında iştirak edəcəklər. Azərbaycan Gimnastika Federasiyasından SİA-ya verilən məlumata görə, turnirdə Dinara İbadova, Qəşəng Ağamoğlanlı, Ceyla Əlizadə, Diana Məmmədova, Safiya Babayeva, Firuzə Qasımzadə, Ayan Hacılı, Aylin Məmmədova, Jasmin Əliyeva, Nəzrin Zeyniyeva, Anahita Bəşiri və Zəhra Rəşidova mübarizə aparacaqlar.
İdmançılar 12-18 və 13-19 yaş üzrə qadın qrupları proqramında qüvvələrini sınayacaqlar.
Turnir sentyabrın 12-15-də təşkil olunacaq.