ABŞ-nin dövlət katibi Antoni Blinken sentyabrın 9-10-da Böyük Britaniyaya səfər edəcək, o, ölkə iqtidarı ilə hərbi əməkdaşlıq və Ukraynaya yardım məsələlərini müzakirə edəcək. SİA xəbər verir ki, bu barədə ABŞ Dövlət Departamentinin mətbuat xidmətinin rəhbəri Metyu Miller yazılı açıqlamasında bildirib.
Onun sözlərinə görə, Amerika xarici siyasət idarəsinin rəhbəri “9-10 sentyabr tarixlərində Böyük Britaniyaya səfər edəcək və burada iki ölkə arasında strateji dialoq açacaq”.