...İnternetdə “Volvo XC90” 2025-in casus fotoşəkilləri ortaya çıxdı.
SİA-nın əldə etdiyi məlumata görə, bu barədə Auto Express saytı məlumat yayıb.
Yeni “Volvo XC90” yenidən işlənmiş ön hissəyə malikdir. O, diaqonal naxışlı yeni daha böyük radiator barmaqlığı və “Volvo EX90” elektrik krossoverinin ruhunda daha incə LED faraları əldə edib.
Arxada yenilənmiş işıqlar diqqəti cəlb edir. Bundan əlavə, avtomobilin bamperləri dəyişdirilib.
“Volvo XC90” 2025-in interyeri daha az dəyişib. Fotoda bir qədər dəyişdirilmiş sükan və böyüdülmüş portret toxunma ekranı ilə yenilənmiş mərkəzi panel göstərilir.
Digər Volvo-lardan sonra krossover Google platforması əsasında yeni multimedia sistemi alacaq.
Model əvvəlki kimi 6 və 7 oturacaqlı versiyalarda təklif olunacaq. Bundan sonra bütün “Volvo XC90” krossoverləri hibrid olacaq və yalnız benzin mühərrikləri ilə olacaq, çünki İsveç avtomobil istehsalçısı artıq dizel mühərriklərindən tamamilə imtina edib.
Ehtimal olunur ki, sıraya yumşaq hibridlər və 2,0 litrlik benzin turbo-dördlükləri olan plug-in hibridləri daxil olacaq. Xatırladaq ki, hazırda “Volvo XC90” hibrid aqreqatlarının gücü 455 at gücünə çatır.
Nazlı Almuradova