Kolumbiya Universitetinin prezidenti Nemat Minouche Shafik kampusda Fələstin tərəfdarı etirazlardan və ona qarşı tənqidlərdən aylar sonra vəzifəsini tərk edib. O, son bir ildə vəzifəsini tərk edən üçüncü Ivy League universitetinin prezidentidir.
Nemət Şəfik universitetə ünvanladığı məktubda tələbələr və müəllim heyətinin bəzi sahələrdə irəliləyiş əldə etməsinə baxmayaraq, “fikir ayrılıqlarını aradan qaldırmağın çətin olduğunu” bildirib. "Bu müddət mənim ailəmə, eləcə də icmamızın digər üzvlərinə əhəmiyyətli zərər verdi" deyib.
Bir neçə ay əvvəl elit Ayvi Liqasına aid Amerika universitetləri kampusda Fələstin tərəfdarı etirazların yatırılması ilə bağlı qalmaqalın mərkəzində olublar. Xüsusilə Nemət Minuçe Şafik Fələstin tərəfdarlarının çadır düşərgəsinin dağıdılmasına polisi cəlb etmək qərarına gəlib, həmçinin etirazçıların fəaliyyətini müvəqqəti dayandırıb.
Ötən ilin dekabrında Pensilvaniya Universitetinin rektoru Elizabet Magill, bu ilin yanvarında isə Harvard Universitetinin rektoru Klaudin Qay istefa verib. Onlar antisemitizmlə mübarizə üçün kifayət qədər iş görməməkdə ittiham ediliblər.
AYSEL