...İsrail Müdafiə Qüvvələri Qəzza zolağında Xan Yunisin şimalında yerli sakinləri yenilənmiş humanitar zonaya təxliyə etməyə çağıran vərəqələr paylayıb.
SİA-nın əldə etdiyi məlumata görə, bu barədə “The Times of Israel” yazıb.
Hərbçilər terror qruplaşmalarına qarşı əməliyyat keçirməyə hazırlaşdıqları barədə xəbərdarlıq ediblər.
SİA İsrail mətbuatına istinadən xəbər verir ki, əməliyyat dəqiq kəşfiyyat məlumatları əsasında həyata keçirilir.
Onlar ABŞ və Avropa İttifaqı tərəfindən terrorçu kimi tanınan Fələstinin “HƏMAS” qruplaşmasının Xan Yunis bölgəsində öz hərbi infrastrukturuna malik olduğuna diqqət çəkirlər.
Bununla belə, “The Times of Israel” qəzetinin hərbi dairələrdəki mənbəsi bölgədəki xəstəxanaların boşaldılmasına ehtiyac olmadığını bildirib. Nəşrin həmsöhbəti qeyd edib ki, İsrail hərbçiləri bu barədə “HƏMAS”-ın nəzarətində olan Qəzza Səhiyyə Nazirliyini və beynəlxalq ictimaiyyət nümayəndələrini xəbərdar edib.
Əli Babayev