Rusiya Silahlı Qüvvələrinin Baş Qərargah rəisi Valeri Gerasimov rus qoşunlarının Kursk vilayətində uğursuzluğa düçar olmasında günahlandırıla bilər, çünki Rusiya mətbuatının məlumatına görə, o, bu istiqamətdə hücuma hazırlıq barədə xəbərlər alıb.
SİA-nın əldə etdiyi məlumata görə, bu barədə ehtiyatda olan polkovnik və hərbi ekspert Oleq Jdanov “Qlavred”ə müsahibəsində danışıb.
Onun sözlərinə görə, bu hərbi uğursuzluq nəticəsində Kreml Rusiya Silahlı Qüvvələrinin Baş Qərargah rəisinin dəyişdirilməsi prosesinə başlaya bilər.
Bununla belə, Jdanov qeyd edir ki, Valeri Gerasimovu konkret kimin əvəz edə biləcəyini söyləmək hələ ki, çətindir. ...Bu gün sinələrində Rusiya qəhrəmanı ulduzu olan bütün “böyük komandirlər”in əksəriyyəti bərbad vəziyyətdədir. Bütün bölgə komandirləri arasında Putinin sevimlisi, Cənub Hərbi Dairəsinə rəhbərlik edən Dvornikov da bir müddət bundan əvvəl “yararsızlığına” görə, işdən çıxarılıb.
...Bunu deyən Jdanov qeyd edib ki, Putinin Suriya üzrə sevimli generalı Sergey Surovikin də Ukrayna cəbhəsindəki bir sıra uğursuzluqlardan sonra işdən kənarlaşdırılıb.
...Amma Suriyada günahsız qanlar tökən Surovikin hələ ki, Moskvadadır və yenə də... nə bilmək olar..?
Əli Babayev