Krasnoyarsk diyarında 30 sərnişinin olduğu magistral yolda turistləri daşıyan avtobus xəndəyə uçaraq aşıb.
SİA xəbər verir ki, bu barədə Rusiya İstintaq Komitəsinin region üzrə Baş İstintaq İdarəsi Telegram kanalında məlumat yayıb.
Səhiyyə Nazirliyindən verilən məlumata görə, hadisə nəticəsində azyaşlılar da daxil olmaqla 25 nəfər xəsarət alıb. Onların hamısı tibb müəssisələrinə aparılıb.
İlkin məlumata görə, Maqansk kəndindən Beret kəndi istiqamətində hərəkət edən avtobus sürücüsü idarəetməni itirib. Nəticədə avtomobil aşıb.
...Rusiya İstintaq Komitəsinin Krasnoyarsk diyarı və Xakasiya Respublikası üzrə Baş İstintaq İdarəsi avtobusun aşması ilə bağlı prosessual araşdırma təşkil edib.
Məlumatda belə deyilir.
Əli Babayev