Macarıstanın müdafiə naziri Kristof Şalay-Bobrovnicki ukraynalıların qəhrəmanlıq və cəsur mübarizəsinə böyük hörmət etdiyini bildirib.
SİA-nın xarici qaynaqlardan əldə etdiyi məlumata görə, “Telex” xəbər verir ki, o, bunu Macarıstanın şimalındakı Esterqon şəhərində keçirilən festivalda deyib.
Əsasən Macarıstan Silahlı Qüvvələrinin vəziyyəti və müharibənin gələcəyinə həsr olunmuş çıxışında Şalay-Bobrovnitski Ukraynadakı müharibə ilə bağlı bir neçə şərh verib.
...Mən bir əsgər kimi ukraynalıların qəhrəmanlıq və cəsarətli mübarizəsinə böyük hörmətlə yanaşıram, lakin sülh danışıqlarındakı səylər göstərir ki, müharibə sona yaxınlaşır.
Qeyd edilməlidir ki, Macarıstanın müdafiə naziri hansı “səylərdən” danışdığını və nə üçün Ukraynada genişmiqyaslı müharibənin “sona yaxınlaşdığına” inandığını izah etməyib.
Əli Babayev