Türkiyə İsrailin xarici işlər naziri Yisrael Katzın paylaşımına reaksiya verdi.
SİA-nın türk saytlarından əldə etdiyi məlumata görə, Xarici İşlər Nazirliyinin sözçüsü Öncü Keçəli rəsmi ''X'' internet səhifəsində Yisrail Katzın paylaşımına münasibət bildirib.
Öncü Keçəli paylaşımında bu ifadələrə yer verib: ''Müzakirəçiləri öldürməklə və diplomatları təhdid etməklə sülhə nail ola bilməzsiniz".
Qeyd edək ki, Yisrail Katz rəsmi internet səhifəsində Türkiyənin İranda süi-qəsd nəticəsində öldürülən ''Həmas''ın başçısı İsmayıl Haniyə ilə əlaqədar matəm elan etməsindən sonra Türkiyənin Tel-Əvivdəki səfirliyindəki türk bayrağının yarıyadək endirilməsi ilə bağlı diplomatları hədəf alan paylaşımlar etmişdi.