...Çinin avtomobil istehsalçısı “Zeekr” ölkədən qeyri-qanuni ixrac edilən daxili bazar üçün istehsal olunan elektromobillərin ovuna başlayacaq.
SİA-nın əldə etdiyi məlumata görə, bunu Qazaxıstanın “Tengri Auto” portalı şirkət nümayəndəsinə istinadən yazır. ...Deməli, belə maşınların funksionallığı uzaqdan söndürüləcək. Məhdudiyyətlər 2024-cü il iyulun 15-dən sonra istehsal olunmuş avtomobillərə şamil ediləcək. Əgər “Zeekr” onları müqavilədə göstərilən xidmət zonasından kənarda aşkar edərsə və ya istehsalçı tərəfindən icazə verilməyən SİM kartlardan istifadə etdiklərini aşkar edərsə, sistem xəbərdarlıq edəcək və avtomobili Çinə qaytarmağı təklif edəcək.
Bu tələb nəzərə alınmasa, şirkət bortda olan multimedia sistemini bloklayacaq.
Deyilənlərə görə, məhdudiyyətlər şəxsi istifadə üçün Çində avtomobil almış əcnəbilərə təsir etməyəcək. Bununla belə, belə sahiblər müvafiq sənədləri “Zeekr”-ə təqdim etməli və nəqliyyat vasitəsini ixrac etmək üçün icazə almalıdırlar.
“Zeekr” nümayəndəsi vurğulayıb ki, müştərilərin təhlükəsizliyini təmin etmək və rəsmi distribyutorları dəstəkləmək üçün tədbirlər görülüb. Onun sözlərinə görə, təşəbbüs ilk növbədə Qazaxıstan və BƏƏ kimi “boz” idxaldan çox təsirlənən bazarlara yönəlib.
Nazlı Almuradova