Bu gün saat 16:00-da Mərkəzi Seçki Komissiyasının (MSK) iclası keçiriləcək. Bu barədə SİA-ya MSK-dan məlumat verilib.
Qeyd edək ki, Yeni Azərbaycan Partiyası (YAP) İdarə Heyətinin iyunun 20-də keçirilən iclasında altıncı çağırış deputatlarına Milli Məclisin buraxılması və növbədənkənar seçkilərin təyin edilməsi barədə Azərbaycan Prezidentinə müraciət olunması üçün təşəbbüs göstərmələrinin tövsiyə edilməsi barədə qərar qəbul olunub.
Parlamentin iyunun 21-də keçirilən plenar iclasında isə Milli Məclis növbədənkənar seçkilərin təyin edilməsi üçün Prezidentə müraciət edib.
Prezident isə öz növbəsində parlamentin buraxılması ilə bağlı Azərbaycan Respublikası Konstitusiya Məhkəməsinin Palatasına sorğu göndərib.