...Fransa prezidenti Emmanuel Makron partiyasının Avropa Parlamenti seçkilərindəki məğlubiyyətini, təbii ki, artıq qəbul edib və Milli Assambleyaya növbədənkənar seçkilər elan edib.
SİA-nın əldə etdiyi məlumata görə, bunu “Politico” xəbər verir.
...Belə bir addım Ukraynanı Fransanın yardımından məhrum edə bilər. Belə ki, prezidentin bütün təminatlarına baxmayaraq, ölkənin büdcəsi parlament tərəfindən təsdiqlənir və bu büdcənin əksəriyyətini ifrat sağçı Le Penin partiyası qazana bilər.
“Politico”nun yazdığına görə, G7 sammitində Makron gülümsəyib və hətta dünya liderləri ilə zarafat edib.
Lakin bütün bunlara baxmayaraq, onun adi etimadı “buxarlanıb”.
Jurnalistlərə müsahibəsində o, partiyasının Avropa Parlamenti seçkilərindəki məğlubiyyətini ürəkdən qəbul etdiyini vurğulayıb.
...Əlbəttə, bu, mənim üçün zərbə oldu.
Fransa rəhbəri etiraf edib.
...Ona görə də düşündüm ki, biz mütləq fransızlardan seçimlərini aydınlaşdırmaq və onları eşitdiyimizi göstərmək üçün bir daha xahiş etməliyik..
Deməli, bu məntiqdən çıxış edən Makron dərhal növbədənkənar parlament seçkiləri elan edib ki, bu da onun partiyasında narazılığa səbəb olub.
...Fransa lideri parlamentin buraxılmasının Parisin sammitdə razılaşdırılan Ukraynaya yeni yardım paketini dəstəkləməsinə təsir edəcəyi ilə bağlı təklifləri də qətiyyətlə rədd edib.
O xatırladıb ki, xarici siyasət prezidentin səlahiyyətindədir. Eyni zamanda, Fransada büdcə və Kiyevə yardımın göstərilməsi ilə bağlı suallar Milli Assambleyada, gözlənildiyi kimi, yerlərin əksəriyyətini ifrat sağçı Le Penin tutacağı səsvermədən asılıdır.
Ağasəf Babayev