Amerikanın “İnter Mayami” klubunun ulduz futbolçusu Lionel Messi karyerası ilə bağlı önəmli açıqlama verib. Messi “İnter Mayami”nin onun futbolçu karyerasında sonuncu klub olacağını deyib.
Amerikanın “İnter Mayami” klubunun ulduz futbolçusu Lionel Messi karyerası ilə bağlı önəmli açıqlama verib.
SİA yerli mənbələrə istinadən xəbər verir ki, Messi “İnter Mayami”nin onun futbolçu karyerasında sonuncu klub olacağını deyib.
“İnter Mayami” karyeramdakı son klubum olacaq. Bu gündən etibarən bu mənim son klubum olacaq. Mən futbol oynamağı xoşlayıram. Mən artıq oyundan daha çox həzz alıram çünki, başa düşürüm ki, hər oyundan sonra futbolda daha az vaxtım qalır”.
Yeri gəlmişkən, argentinalı hücumçu 2026-cı il dünya çempionatında oynamaq fikrində olub-olmadığı haqqda rəy bildirib. Messi bu məsələ ilə bağlı realist olmaq lazım olduğunu deyib.
Xatırladaq ki, iyunun əvvəlində Lionel unikal nailiyyət əldə edib. Argentinalı futbolçu MLS-də 12 matçda 25 qol vurub, bu nəticə mütləq liqa rekordudur.
Əfsanəvi argentinalı 8 dəfə “Qızıl top”un qalibidir.