Pəhrizinizdə kartof miqdarının artırılması, vaxtından əvvəl ölüm riskinin azalması ilə əlaqələndirilə bilər, lakin ən çox fayda əldə etmək üçün onları müəyyən bir şəkildə bişirmək lazımdır.
Deməli, istər qızardılmış, istər qaynadılmış, istərsə də püre...kimin üçün necə, amma rusların dediyinə görə, kartof inanılmaz dərəcədə çox yönlü yeməkdir.
Amma...lakin kartof həmişə qidalı qida hesab edilmir.
Bununla belə, kartof pəhrizinizin qidalı bir hissəsi ola bilər. Kartof həm də kalium, pəhriz lifi, C vitamini və fenolik turşular kimi digər bioloji aktiv birləşmələr kimi bir çox vacib qida maddələrinin təbii mənbəyidir.
...Bundan əlavə, kartofun tərkibində bədəndə lif rolunu oynayan davamlı nişasta var. Kartof qaynadıldıqda, soyuduqda və sonra yenidən qızdırılanda davamlı nişasta əmələ gəlir.
SİA-nın əldə etdiyi məlumata görə, bunu qeydiyyatdan keçmiş diyetisyen və Sound Bites Nutrition şirkətinin sahibi Lisa Endryus bildirib.
Demək lazımdır ki, daha çox kartof yeyən insanlar arasında ürək-damar xəstəliklərindən ölüm riskinin daha az olduğunu göstərən kartof istehlakının sağlamlığa təsiri ilə bağlı bəzi araşdırmalar mübahisəlidir.
Məsələn, son araşdırmanın müəlliflərindən biri və Oslo Universitetinin qidalanma üzrə aspirantı Erik Kristoffer Arnesena görə, “...kartof, sağlamlığa təsirlərinin kifayət qədər sübutu olmadığı üçün rəsmi pəhriz tövsiyələrinin bir hissəsi deyil”.
Buna baxmayara, Arnesenin rəhbərlik etdiyi bir araşdırma, gündəlik istehlak edilən hər 100 qram kartofun ölüm riskini 4 faiz azaltdığını iddia edir.
Qeyd olunur ki, kartof balanslaşdırılmış pəhrizin dadlı, qidalı və çox yönlü hissəsi ola bilər, lakin kartofun bişirilməsi sizi akrilamidin təsirinə məruz qoyduğundan qızartma tələb etməyən reseptlər seçin.
Əli Babayev