Danimarka Baş naziri Mette Frederiksen Ukraynanın Danimarka silahlarını beynәlxalq hüquq normaları çәrçivәsindә Rusiya torpaqlarında istifadә etmәsinә icazә verdiklәrini deyib.
SİA-nın əldə etdiyi məlumata görə, yerli TV2 telekanalına müsahibә verәn Mette Frederiksen ölkәsinin Ukraynaya verdiyi silahlarla bağlı açıqlama verib.
NATO-nun baş katibi Yens Stoltenberqin “Ukraynaya müttəfiq dövlətlər tərəfindən tәdarük edilәn silahlar Rusiya ərazisini vurmaq üçün istifadə oluna bilməlidir” sözlərini xatırladan Mette Frederiksen deyib: “Ukraynaya verdiyimiz silahlar beynәlxalq hüquq normaları çәrçivәsindә Ukraynadan kənarda yәni Rusiya hәdәflәrinә qarşı da istifadә edilә bilәr’’.
Yens Stoltenberqin "The Economist" jurnalına verdiyi müsahibәdә "Ukraynaya silah tədarük edən müttəfiq dövlətlərdən NATO silahlarından Rusiyadakı hərbi hədəfləri vurmaq üçün istifadə etməmək qərarlarından geri çəkilmələrini tələb etməsi" müttəfiq ölkələr arasında mübahisələrə səbəb olmuşdu.
Yens Stoltenberq dünən Avropa İttifaqına (Aİ) üzv ölkələrin müdafiə nazirləri toplantısından әvvәl mətbuata verdiyi açıqlamada Ukraynada 2022-ci ildən bəri davam edən münaqişənin "təcavüz müharibəsi" olduğuna diqqət çəkib.
"Rusiya başqa qitəyə hücum edib və başqa ölkəni işğal edib. Ukraynanın da milli qanunlara əsasən özünümüdafiə hüququ var. Bura Ukraynadan kənarda yerləşən hədəfləri və Rusiyadakı hərbi obyektləri vurmaq da daxildir",-deyә Yens Stoltenberq qeyd edib.