Stiven Spilberqin yeni filmi 2026-cı il mayın 15-də tamaşaçılara təqdim olunacaq. SİA xəbər verir ki, film məşhur ABŞ kinorejissorunun təsis etdiyi "Amblin Entertainment" studiyası tərəfindən hazırlanır.
Filmin adı hələ açıqlanmayıb, lakin onun orijinal ssenari əsasında blokbaster olacağı məlumdur.
Ssenarini daha əvvəl Spilberqlə "Yura dövrü parkı" və "İndiana Cons" və "İndiana Cons və Kristal kəllə krallığı" filmlərində əməkdaşlıq etmiş Devid Kepp yazır. Bu filmlər birlikdə dünya üzrə 3 milyard dollardan çox gəlir gətirib.
Bundan əvvəl qeyd olunmuşdu ki, 77 yaşlı Spilberq UNO ilə bağlı hekayə üzərində işləyir.
Xatırladaq ki, rejissorun son filmi olan "Fabelmanlar" avtobioqrafik dramı 2022-ci ilin sentyabrında ekranlara çıxıb.