...Rusiya tərəfi İran prezidenti İbrahim Rəisinin helikopterinin qəzaya uğramasının əsl səbəblərinin müəyyən edilməsində iranlı həmkarlarına bütün lazımi yardımı göstərməyə hazırdır. SİA-nın əldə etdiyi məlumata görə, bu bəyanatla bazar ertəsi, mayın 20-də Rusiya Təhlükəsizlik Şurasının katibi Sergey Şoyqu çıxış edib.
Siyasətçi teleqramında İranın dövlət başçısı və xarici işlər nazirinin helikopter qəzasında faciəli şəkildə həlak olması ilə bağlı Tehrana başsağlığı verib.
O, İbrahim Rəisinin işinin “davam ediləcəyini, onun xatirəsinin əsrlər boyu qorunacağını” vurğulayıb.
...Rusiya helikopterin qəzaya uğramasının səbəbləri və şəraitinin araşdırılmasında İrana kömək etməyə hazırdır.
Qeyd edək ki, RİA Novosti bunu Şoyquya istinadən xəbər verir.
Bundan əvvəl İsrail əmin edib ki, göyərtəsində İran prezidentinin olduğu helikopterin qəzaya uğraması ilə heç bir əlaqəsi yoxdur.
Bu bəyanat iki dövlət arasında qarşılıqlı təhdid mübadiləsinə qədər münasibətlərin həddindən artıq kəskinləşməsi fonunda verilib.
Moskva isə İran prezidenti ilə yaşanan faciəyə baxmayaraq, Tehranla sıx əməkdaşlığa sadiqliyini təsdiqləyib.
Rusiya xarici işlər nazirinin müavini Sergey Ryabkov İranda baş verən faciəyə baxmayaraq, ölkələr arasında münasibətlərin dərinləşməsinin davam edəcəyinə, əldə olunan razılaşmalara hörmətlə yanaşılacağına əminliyini ifadə edib.
Nazlı