“Take-Two Interactive” video oyun tərtibatçısı 2024-cü maliyyə ili üçün hesabatını dərc edib və “Grand Theft Auto VI”nın buraxılış tarixlərini açıqlayıb. Sənəd şirkətin saytında dərc olunub. SİA xəbər verir ki, “Grand Theft Auto VI”nın 2025-ci ilin payızında buraxılması planlaşdırılır. Oyun “PlayStation 5” və “Xbox Series X/S” konsollarında mövcud olacaq. Oyunun kompüter versiyası haqqında məlumat hələ açıqlanmayıb. Çıxış tarixinin təxirə salınması, nəticədə oyunun daha sonra payızda buraxılması mümkündür.
Bundan əlavə, tərtibatçı oyunun buraxılışından təxminən 11 il sonra “Grand Theft Auto V”nin 200 milyon nüsxədə, 2019-cu ildə buraxılan “Red Dead Redemption II”nin 64 milyon nüsxədə satıldığını, kovboy franşizasının ümumi satışlarının isə 89 milyondan çox olduğunu açıqlayıb.