Sudanda 25 milyon insanın humanitar yardıma ehtiyacı var.
SİA-nın türk saytlarından əldə etdiyi məlumata görə, Birləşmiş Millətlər Təşkilatının Humanitar Məsələlərin Əlaqələndirilməsi Ofisinin (OCHA) sözçüsü Yens Laerke BMT-nin Cenevrədəki ofisində keçirilən mətbuat konfransında çıxış edib.
"Sudanda 25 milyon insanın humanitar yardıma ehtiyacı var. Aclıq və xəstəliklər yaşana bilər'' deyən Laerke xüsusilə Darfur əyalətində baş verən qarşıdurmaların mülki əhaliyə təsir etdiyini bildirib.
Laerke BMT-nin Sudana müdaxilə planı çərçivəsində mənfiliklərdən ən çox təsirlənən 15 milyon insana yardım etməyi hədəflədiyini söyləyib.