Bir həftədən çox Sakit Okeanda kiçik bir adada qalan 3 dənizçi ağ qumlu çimərlikdə xurma yarpaqlarından istifadə edərək "kömək" işarəsi yazaraq xilas olublar.
SİA xəbər verir ki, ABŞ Sahil Mühafizəsi rəsmilərinin verdiyi məlumata görə, martın 31-də Mikroneziyanın bir hissəsi olan Pikelot Atolu ətrafındakı sularda balıq tutmağı planlaşdıran 3 dostun 20 metrlik qayığı dalğalara ilişib və onun xarici mühərriki zədələnib.
"HELP" YAZDILAR VƏ GÖZLƏDİLƏR
Bunun üzərinə dənizçilər kimsəsiz Pikelot adasına sahilə çıxdılar və radionun batareyası kömək çağırana qədər bitib. Sağ qalanlar 31 hektarlıq adada xurma yarpaqlarını toplayıb, onlarla "Kömək" yazaraq sahildə gözləyiblər.
ABŞ Hərbi Dəniz Qüvvələrinin Kadena Hava Bazasından göndərilən "P-8A" kəşfiyyat təyyarəsi aprelin 7-də sahildə xurma yarpaqlarında "Kömək" yazıldığını görüb, 3 nəfər üçün qida paketi qoyub, daha sonra onların yerini xilasetmə mərkəzinə çatdırıb. Sahil Mühafizəsi rəsmiləri bildiriblər ki, kişilər bir həftə cocos ilə qidalanıb və daha əvvəl balıqçılar tərəfindən qazıldığı deyilən kiçik bir quyudan təmiz su əldə ediblər. Sözügedən şəxslərin səhhətinin yaxşı olduğu bildirilib.
2020-ci ildə buraya sığınan və üç gün sonra xilas edilən 3 dənizçi ilə adanın adının eşidildiyi qeyd edilir.