Qəzza zolağına ABŞ-dan ilk humanitar yardım gəlib - hərbçilər onu təyyarələrdən atıblar.
SİA-nın əldə etdiyi məlumata görə, bu barədə Reuters xəbər verir.
Üç C-130 təyyarəsi BMT-nin əhalinin dörddə birinin aclıq astanasında olduğunu bildirdiyi bölgəyə 35 mindən çox yemək çatdırıb. Fələstinlilər sosial şəbəkələrdə üzərlərinə qutuların atılmasının görüntülərini yayıblar.
Qeyd edək ki, Ağ Ev hava zərbələrinin davam edəcəyini və İsrailin yardım əməliyyatını dəstəklədiyini bildirib. ABŞ prezidenti Cozef Bayden müsəlmanların martın 10-da başlayacaq Ramazan orucu üçün yanğının vaxtında dayandırılacağına ümid etdiyini bildirib.
O da məlum olub ki, Fələstinin HƏMAS hərəkatı və İsrail Qəzza zolağında təklif olunan atəşkəsin vaxtı və girovların fələstinli əsirlərlə dəyişdirilməsi sxemi barədə razılığa gəliblər.
Eyni zamanda, HƏMAS danışıqlarda Rusiyanın əsas rol oynamasını istəyir. Hərəkatın Siyasi Büro rəhbərinin müavini Musa Əbu Mərzuk deeskalasiya məsələsində tarazlığa nail olmaq üçün hər cür səy göstərəcəyini vəd edib.
Yeri gəlmişkən, bu günə qədər 30,2 mindən çox fələstinli İsrailin hərbi əməliyyatları zamanı qurban olub. Fələstin anklavının Səhiyyə Nazirliyinin məlumatına görə, 71 mindən çox fələstinli zərər çəkib.
Nazlı