Ceyranbatanda fərdi fermada tavan çöküb, 16 baş iribuynuzlu heyvan tələf olub.
SİA APA-ya istinadən xəbər verir ki, hadisə Ceyranbatan bağları adlanan yaşayış massivində Abbasov Yadigara məxsus fərdi fermada qeydə alınıb. Laçın rayonundan olan məcburi köçkünə məxsus fərdi fermada bu gün günorta saatlarında uçan beton tavan iribuynuzlu heyvanların hamısını tələf edib.
Qeyd edək ki, heyvanlar köhnə tikilidə olub, hadisəyə səbəb isə beton plitənin çökməsi olub. Fakt araşdırılır.