Rusiyada həbsxanada dünyasını dəyişən rusiyalı müxalifət lideri Aleksey Navalninin təsis etdiyi Korrupsiyaya Qarşı Mübarizə Fondunun direktoru İvan Jdanov Navalninin dəfn mərasiminin martın 1-də keçiriləcəyini açıqlayıb. SİA xarici KİV-ə istinadən xəbər verir ki, Jdanov bu gün verdiyi açıqlamada bildirib ki, dəfn mərasimi əvvəlcə fevralın 29-na planlaşdırılıb, lakin “qəbri qazmağa kimsə olmadığına görə” martın 1-nə keçirilib.
Bildirilib ki, Navalninin dəfn mərasimi yerli vaxtla saat 14:00-da Rusiyanın paytaxtı Moskvanın Cənub-Şərqi İnzibati Dairəsinə daxil olan Maryino şəhərindəki İkonu kilsəsində keçiriləcək və daha sonra Borisov qəbiristanlığında dəfn olunacaq.