Ermənistan Kollektiv Təhlükəsizlik Müqaviləsi Təşkilatından (KTMT) çıxsa, təşkilat yıxılmayacaq.
SİA BELTA-ya istinadən xəbər verir ki, bunu Belarus prezidenti Aleksandr Lukaşenko deyib.
O əlavə edib ki, Minsk Ermənistanın KTMT-yə üzvlüklə bağlı bəyanatlarına “tamamilə sakit” reaksiya verir.
…Əgər onlar KTMT-də olmaq istəmirlərsə, o, dağılmayacaq, məhv olmayacaq, - Lukaşenko deyib.
O, həmçinin əlavə edib ki, İrəvan bu qərara tələsməməlidir. …Çıxmaq asandır. Amma sonra girmək çətin olacaq. Çölə çıxmağa ehtiyac yoxdur, nəyisə dondurmağa ehtiyac yoxdur.
Təbii ki, bunu da Belarus lideri tövsiyə edib.
Xatırladaq ki, bir müddət əvvəl Ermənistanın baş naziri Nikol Paşinyan Qarabağ münaqişəsinin gərginləşməsi zamanı KTMT-nin İrəvan qarşısında götürdüyü öhdəlikləri yerinə yetirmədiyini bəyan etmişdi. Paşinyan İrəvanın assosiasiyaya üzvlüyünün dayandırılmasına və ya dondurulmasına icazə verib. Lakin sonradan KTMT üzvlüyün dondurulması ilə bağlı Ermənistan tərəfdən rəsmi açıqlama almadıqlarını açıqlayıb.
Nazlı