Çinin Jiangsu əyalətinin mərkəzi Nansin şəhərində yaşayış binasında baş verən yanğında 15 nəfərin öldüyü bildirilib. SİA xarici mətbuata istinadən xəbər verir ki, dünən səhər saatlarında Yuhuatay mərkəzi rayonunda çoxmərtəbəli yaşayış kompleksində yanğın baş verib. Yanğın zamanı 15 nəfər ölüb, 44 nəfər yaralanıb. Yaralılardan birinin səhhətinin ağır olduğu bildirilib. Sosial şəbəkələrdə yayılan videolarda aşağı mərtəbələrdən gələn alovların binanın fasadını əhatə edərək yuxarı mərtəbələrə qalxdığı görülüb. Yanğınsöndürənlər 25 maşınla yanğına müdaxilə edib, söndürmə və xilasetmə işləri 8 saata yaxın davam edib.
Hadisə ilə bağlı aparılan araşdırmalar zamanı müəyyən edilib ki, yanğın mənzilin birinci mərtəbəsində elektriklə işləyən velosipedlərin saxlandığı hissədən başlayıb.