Fələstinli Əsirlər Dərnəyi ilə Fələstin Azadlıq Təşkilatına bağlı Əsirlər və Azad Buraxılanlar Heyətinin birgə bəyanatında 53 yaşlı fələstinli Şavişin həyatını itirdiyi barədə məlumat verildiyi bildirilib.
SİA-nın əldə etdiyi məlumata görə, açıqlamada Şavişin işğal altındakı İordan çayının qərb sahilinin şimalında yerləşən Tubas şəhəri yaxınlığındakı Nafha həbsxanasında öldüyü qeyd edilib.
Açıqlamada “Halid Şeviş 2007-ci ildə həbs olunan və 11 dəfə ömürlük həbs cəzasına məhkum edilmiş işğal həbsxanalarında xroniki xəstələrdən biri idi” deyilib.
Açıqlamada Qəzza zolağına hücumların başladığı 7 oktyabr 2023-cü ildən bu yana İsrail həbsxanalarında həyatını itirən fələstinlilərin sayının 9-a yüksəldiyi qeyd edilib.
Fələstin rəsmilərinin açıqlamalarına görə, İsrail oktyabrın 7-dən bəri qisas əməliyyatları çərçivəsində həbsxanalardakı fələstinliləri “aclıq, təcrid və tibbi laqeydlik” kimi pozuntulara məruz qoyur.
7 oktyabr 2023-cü il tarixindən bu yana işğal altındakı İordan çayının qərb sahilində İsrail tərəfindən nəzarətə alınan fələstinlilərin sayının 7 min 120 olduğu bildirilib.