İspaniyanın Barselona Qlobal Sağlamlıq İnstitutunun alimləri bildiriblər ki, səhər səkkizdən əvvəl səhər yeməyi yemək şəkər xəstəliyinə tutulma riskini 59 faiz azaldır.
SİA-nın əldə etdiyi məlumata görə, araşdırmanın nəticələri Beynəlxalq Epidemiologiya jurnalında dərc edilib. Tədqiqatda əksəriyyəti (79 faiz) qadın olan 103,312 yetkin könüllü iştirak edib. Subyektlər gündəlik iş rejimini, yemək və hərəkət vərdişlərini təsvir etmiş, həmçinin tədqiqatdan əvvəl üç gün ərzində nə yeyib-içdikləri barədə məlumat vermişlər.
Sonra təxminən yeddi il davam edən iştirakçı müşahidə mərhələsi başlayıb.
Tədqiqat zamanı 963 yeni tip 2 diabet halı qeydə alınıb. Səhər doqquzdan sonra mütəmadi olaraq səhər yeməyi yeyən insanlar arasında bu xəstəliyin tezliyi əhəmiyyətli dərəcədə yüksək olub.
Fakt budur ki, oyandıqdan sonra yemək ehtiyacı insanın sirkadiyalı ritmləri ilə bağlıdır. Bunlar gecə və gündüzün dəyişməsi ilə bağlı müxtəlif bioloji proseslərin intensivliyindəki tsiklik dalğalanmalardır.
Bu bioritmlərin pozulması (yəni səhər yeməyinin olmaması) orqanizmdə qlükoza, insulin və lipid səviyyələrinə zəif nəzarətə səbəb ola bilər.
Nazlı