Texnologiya şirkəti "Google" Fransanın paytaxtı Parisdə süni intellekt sahəsində fəaliyyət göstərəcək araşdırma və inkişaf mərkəzini istifadəyə verib.
Fransa mətbuatında yer alan xəbərlərə görə, araşdırma mərkəzində "Youtube" və "Chrome"un xidmət inkişaf etdirmə qrupları da daxil olmaqla 300-dən çox mühəndis və tədqiqatçı çalışacaq.
Mərkəzi "Google" şirkətinin baş direktoru Sundar Piçai istifadəyə verib.
Büdcəsinin 300 milyon avro olması planlaşdırılan mərkəz, daha əvvəl "Facebook", "Google" və "Apple" kimi texnologiya şirkətlərində çalışmış tədqiqatçıların da töhfələri ilə öz dil modellərini istehsal etməyi hədəfləyir.
Hazırda Fransada süni intellekt sahəsində araşdırma mərkəzləri olan texnologiya şirkətləri arasında Yaponiyada fəaliyyət göstərən "Fujitsu", Koreyada yerləşən "Samsung", ABŞ-da yerləşən IBM və sosial media platforması "Facebook" var.