Filippinin cənubundakı Davao de Oro əyalətində mədən sahəsinin yaxınlığında baş verən sürüşmə nəticəsində ölənlərin sayı 68-ə çatıb. SİA xarici KİV-ə istinadən xəbər verir ki, səlahiyyətlilər axtarış-xilasetmə işlərinin sabahdan etibarən sona çatacağını açıqlayıb.
İtkin kimi qeydə alınan 51 nəfərdən hələ də xəbər olmadığı bildirilsə də, Maco şəhərinin fəlakət rəsmisi Ariel Kapoy səlahiyyətlilərin sabahdan etibarən axtarış-xilasetmə işlərinə son qoyacağını bildirib. ABŞ-ın Maniladakı səfirliyindən verilən açıqlamada, ABŞ Beynəlxalq İnkişaf Agentliyinin xətti ilə cənub adalarındakı fəlakətlərdən zərər çəkmiş icmalara 1,25 milyon dollarlıq humanitar yardımın edildiyi açıqlanıb. ABŞ Müdafiə Nazirliyinin ərzaq yardımının çatdırılmasına kömək etmək üçün C-130 yük təyyarəsi verdiyi öyrənilib.
Ötən çərşənbə axşamı yerli vaxtla saat 19.30 radələrində baş verən sürüşmədə bölgədə fəaliyyət göstərən mədən şirkətinin əməkdaşlarının xidmət gözlədikləri ərazidə yerin altında basdırıldığı açıqlanıb. Ən azı 3 avtobus və bəzi tikililərin palçıq və torpağa basdırıldığı da bildirilib.