Dr.Müseyib Əhmədov Mərkəzi Gömrük Hospitalında ortopedik və travmatoloji müayinələrin müasir metodlarla aparılması, sınıqların cərrahi müalicəsi, oynaqların endoprotezləşdirilməsi, vertebra cərrahiyyəsi, artoskopik cərrahiyyə, ön çarpaz bağ, menisk cırılması, idman travmaları, uşaq ortopedik cərrahiyyəsi, bud-çanaq oynağının anadangəlmə çıxıqları, yaşlı pəncəlik, uşaqlarda anadangəlmə anamaliyalar və deformasiyalar və digər ortopedik- travmatoloji əməliyyatların həyata keçirilməsi ilə məşğuldur. SİA xəbər verir ki, həkim barədə daha ətraflı məlumat almaq üçün bu linkə daxil ola bilərsiniz: https://customshospital.az/museyib-ahmedov/.
Müseyib həkim 1994-cü ildə Azərbaycan Tibb Universitetini bitirmiş, 1994-1995-ci illərdə 1 saylı Hərbi Hospitalda travmatologiya və ortopediya ixtisası üzrə internatura təhsili almış və 1997-1998-ci illərdə Ukraynanın Xarkov şəhərində Sitenko adına Travmatologiya və Ortopediya İnstitutunda ordinatura keçmişdir.
Həkimlik fəaliyyətinə Ukraynanın Mariupol şəhərində başlayan Müseyib həkim vətənə qayıtdıqdan sonra dövlət tibb müəssisəsində, 2002-2009-cu illərdə Səudiyyə Ərəbistan Krallığının Bureydah şəhərində yerləşən Bureydah Mərkəzi Hospitalında həkim travmatoloq-ortoped kimi çalışıb. O, 2009-cu ildən etibarən Mərkəzi Gömrük Hospitalında travmatoloq-ortoped kimi fəaliyyət göstərir.
İxtisası üzrə bilik və bacarıqlarının artırılmasına daim çalışan Müseyib həkim 2001-ci ildə Ə.Əliyev adına Azərbaycan Dövlət Həkimləri Təkmilləşdirmə İnstitutunda Travmatologiya və Ortopediya ixtisası üzrə 3 aylıq İxtisasartırma kursunu, 2004-2010-cu illərdə isə İsveçrə, Malta və Ukraynada “Sintez və travma” mövzusunda kursları bitirib.
Dr.Müseyib Əhmədov 2014-cü ildə İtaliyanın Roma şəhərində “Oynaq və sümük cərrahiyyəsi”, 2016-cı ildə Avstriyanın Zalsburq şəhərində Uşaq ortopediya və travmatologiyası”, 2017-ci ildə Türkiyənin Antalya şəhərində XXVII Beynəlxalq Türk Ortopedik və Travmatoloji konqresində, 2018-ci ildə İspaniyanın Barselona şəhərində Avropa Ortoped-Travmatoloqlar Assosiasiyasının 19-cu konqresində, 2021-ci ildə Türkiyənin Antalya şəhərində Türk Travmatoloji Cəmiyyətinin təşkilatçılığı ilə XXX Milli Türk Ortopedik və Travmatoloji konqresində, 2022-ci ildə Bakı şəhərində keçirilən “Bud-çanaq və diz artroplastikasında aktual problemlər” III Beynəlxalq kurs seminarında və 2023-cü ildə Türk Ortopediya və Travmatologiya Dərnəyinin təşkilaşçılığı ilə Türkiyənin Antalya şəhərində keçirilən 32-ci Ümummilli Türk Ortopediya və Travmatologiya Konqresində iştirak edib. Dr. Müseyib Əhmədov Səudiyyə Ərəbistanı Tibb Assosiyasiyasının üzvüdür.
Dr. Müseyib Əhmədovun qəbuluna yazılmaq üçün əlaqə nömrəsi: (012) 404-08-08.