Türkiyənin mədəniyyət və turizm naziri Mehmet Nuri Ersoy "Ölkəmiz 2023-cü ildə turizmdə rekordlar qırdı. Qonaqların sayı 56,7 milyon nəfər, gəlirimiz isə 56 milyard dollar oldu. 2024-cü il üçün qarşımıza yeni və daha böyük hədəflər qoymuşuq" deyib. SİA bu barədə Türkiyə saytlarına istinad edir.
İstanbulda turizm sektoru ilə bağlı çıxışında 2023-cü ilin turizmdə rekord ili olduğunu söyləyən M.N.Ersoy deyib: “2024-cü ildə hədəfimiz 60 milyon qonaq və 60 milyard dollar gəlirdir.
Yeni turizm mövsümündə yeni bazarlara konsentrasiyaları artıracağıq.
Ölkəmiz 2023-cü ildə turizm rekordları qırdı. Qonaqların sayı 56,7 milyon nəfər, 56 milyard dollar gəlir əldə edildi. Bu il üçün yeni və daha böyük hədəflər müəyyənləşdirdik. 2024-cü il hədəfimiz 60 milyon qonaq və 60 milyard dollar gəlirdir.
Hər il öz rekordumuzu aşmaq üçün gecə-gündüz çalışırıq."