Bu arada Rusiyanın “Verstka” nəşri, Rusiya elitasının bir hissəsinin Ukraynada müharibənin dayandırılmasının tərəfdarı olduqlarını yazır.
Təbii ki, hər şey təbiidir. Statistikaya nəzər salsanız, onlar “Qazprom”, “Rosneft” və digər Rusiya şirkətləri üçün kifayət qədər məyusedicidir. Onlar sərt sanksiyalara görə milyardlarla gəlir itirirlər.
SİA-nın əldə etdiyi məlumata görə, bu barədə saytı siyasi ekspert, Ukrayna Hərbi Hüquqi Araşdırmalar Mərkəzinin rəhbəri Aleksandr Musienko danışıb.
...Sanksiyalar Rusiya iqtisadiyyatına zərbə vurur. Heç kim uzunmüddətli layihələrə və ya investisiyalara qarışmaq istəmir. Çin və Türkiyə bankları rusiyalı həmkarları ilə hesablaşmalara qadağa qoyur.
Onu da qeyd etmək lazımdır ki, bu bəyanatlar Ust-Luqada qaz terminalı kimi obyektlərə və bir qayda olaraq özəl şirkətə məxsus digər fabrik eləcə də müəssisələrə pilotsuz təyyarələrin zərbələri ilə üst-üstə düşür.
Ancaq başa düşürük ki, onlar da dövlətlə bağlıdır, çünki Rusiyada bu, başqa cür işləmir. Aydındır ki, “gələnlər” külli miqdarda pul itirən bu şirkətlərin sahiblərinə yaraşmır.
Bu gün Rusiyada dron hücumlarının sayının artdığını görürük. Amma etiraf edilməlidir ki, Putin xüsusi hərbi əməliyyatı başladanda bunları gözə almamışdı.
Amma indi ruslar ağır hesablar ödəməli olurlar. Bu baxımdan, təbii ki, narazı insanlar var. Axı onlar hər gün milyonlar itirirlər.
Doğrudur, bu gün böyük oliqarxlar Asiya bazarlarına yönləndirmək məcburiyyətindədirlər. Amma etiraf edilməlidir ki, onlar buna qətiyyən hazır deyillər.
...Gərək ki, yadınızda olar, o vaxt rusiyalı sahibkar, milyarder Oleq Deripaska Baş nazir Mişustinlə Çin hökuməti ilə biznesi necə davam etdirəcəklərini və istiqamətlərini dəyişməyi müzakirə edərkən, Deripaska açıq şəkildə “Avropa ilə daha asandır” demişdi.
Belə görünür ki, ruslar artıq Çinin diktə etdiyi şərtlərə yönləndirməlidirlər.
Bundan əlavə, müharibə yavaş-yavaş Rusiyaya gəlir. Deyim ki, bu da Putinin vəd etdiyi şey deyildi.
...Musienkonun yazdığına görə, bu gün Rusiyada biznes elitasının ayrı-ayrı nümayəndələri var ki, onlar təhlükəsizlik qüvvələrinin dəstəyini almağa hazırdırlar.
Və onlar belə bir təhlükəsizlik qüvvəsi kimi Sergey Şoyqunu görürlər.
...Onlar Avropa, Qərblə danışıqlar apararaq, qoşunları Ukraynadan çıxarmaq və ümumiyyətlə münasibətləri mümkün qədər normallaşdırmaq üçün Şoyqunu hakimiyyətə gətirməyə çalışırlar..?
Ağasəf Babayev